Jyl basynan beri Astananyń 90-nan astam qutqarýshysy nagradtaldy
ASTANA. 8 jeltoqsan. QazAqparat - Jyl basynan beri Astananyń 90-nan astam qutqarýshysy nagradtaldy, dep habarlaıdy elordanyń resmı saıty.
«Qutqarýshylar qyzmeti kún saıyn adamdardy qutqarý jumysyndaǵy qaýip-qaterge toly. Jyl basynan beri Departament pen onyń bólimsheleriniń 90 qyzmetkeri úkimettik nagradaǵa ıe boldy. Táýligine órtten qorǵaý men sýdan qutqarý qyzmetiniń, Medıtsına men apat ortalyǵynyń, QR TJM Ortalyq aımaqtyq aeromobıldik shuǵyl-qutqarý jasaǵynyń 192 qyzmetkeri jaýyngerlik kezekshilikke túsedi», - delingen Astana qalasynyń Tótenshe jaǵdaılar departamenti málimetinde.
Osyndaı bir shuǵyl shaqyrtý kezinde TJ jaýyngerleri janyp jatqan úıden zardap shegýshilerdi alyp shyqty. «Jedel járdem» qyzmeti eki adamnyń qaza tapqanyn tirkedi. Soǵan qaramastan, qyzmetkerler jasandy dem salyp, alǵashqy kómek kórsetti. Sodan keıin baryp, jańaǵy eki zardap shegýshi tirshilik belgisin sezdirdi.
«Eki aptadan keıin sol adamdar № 8 mamandandyrylǵan órt bóliminiń kezekshi qyzmetkerlerine kelip, alǵys sezimderin bildirdi. Mundaı oqıǵalar az kezdespeıdi», - dep túıindelgen vedomstvo habarlamasynda.
