Jyl basynan beri astanalyqtar sany 5388 adamǵa artty
ASTANA. 11 sáýir. QazAqparat - Úsh aıda Astana qalasy turǵyndarynyń sany 5000-nan astam adamǵa ósip otyr. Bul týraly qalalyq Statıstıka departamentinen málim etti, dep jazady astana.kz.
Astana qalasy turǵyndarynyń sany 2013 jyldyń 1 naýryzynda aǵymdaǵy esep boıynsha 783471 adam boldy. Sonyń ishinde Almaty aýdany boıynsha - 363721 (46,4%), Esil aýdanynda -104267 (13,3%), Saryarqa aýdanynda - 315483 (40,3%) adam.
«2013 jyldyń basymen salystyrǵanda Astana qalasy turǵyndarynyń sany 5388 adamǵa artqan. Sonyń ishinde Almaty aýdanynda -146, Esil aýdanynda -1550 adamǵa, Saryarqa aýdanynda - 3692 adamǵa ósken»,- delingen habarlamada.
Sondaı-aq, vedomstvo 2013 jyldyń qańtar-aqpan aılarynda halyqtyń tabıǵı ósimi - 2869 adam, kóshi-qon arqyly - 2519 adamǵa ósim bolǵanyn da atap kórsetedi.
