Jyl basynan beri Astanada jol erejesin buzǵan 17,5 myń jaıaý júrginshige aıyppul salyndy
ASTANA. QazAqparat - Astanada jaıaý júrginshilermen jol erejelerin buzý boıynsha kezekti reıd ótkizildi, dep habarlanǵan elorda ákimdiginiń resmı saıtynda.
Elordada apta saıyn juma kúnderi jol-kólik oqıǵalarynan jaraqattanýshylyqtyń aldyn alý jáne jol apattaryn azaıtý maqsatynda «Jaıaý júrginshiler qaýipsizdigi» profılaktıkalyq sharasy ótkiziledi. Astana qalasynyń ІІD ÁPB erekshe tapsyrmalar jónindegi aǵa ınspektory Larısa Krasnıkovanyń aıtýynsha, jyl basynan beri tyıym salynǵan jerlerden joldy kesip ótkeni úshin 17,5 myń adamǵa 5 aılyq eseptik kórsetkish mólsherinde aıyppul salyndy, jalpy 163 mln. teńgeden astam aıyppul óndirip alyndy. Jaıaý júrginshiler arasynda tyıym salynǵan jerlerde joldy kesip ótý, turaqqa qoıylǵan kóliktiń jáne basqa da bógetter saldarynan jolǵa shyǵyp qketý tárizdi jol erejesin buzýshylqytar jıi oryn alǵan. Reıdtik sharalar barysynda jol polıtsııasy qyzmetkerleri joldyń asa qaýipti bólikterinde jol qozǵalysyn baqylaýdy kúsheıtti. Joldyń qozǵalys bóligin kesip ótken jaıaý júrginshilerge ákimshilik hattamalar toltyryldy, jol qozǵalysy erejelerin saqtaý boıynsha aldyn alý sharalary ótkizildi.
