Jyl basynan beri Astanada tártip buzýshylarǵa 22,5 mln teńge aıyppul salyndy
ASTANA. QazAqparat - Memleket basshysynyń qoǵamda zań buzýshylyqtarǵa degen «noldik shydamdylyq» ustanymyn qalyptastyrý boıynsha tapsyrmasy elordanyń ІІD qyzmetkerleriniń udaıy nazarynda, dep habarlady astana.gov.kz.
Astana qalasy ІІD ÁPB basshysynyń orynbasary Ǵosman Jakınniń málimetinshe, jyl basynan beri qoǵamdyq jerlerde temeki shegý, belgilenbegen jerde qoqys tastaý sekildi usaq buzýshylyqtarǵa degen «noldik shydamdylyq» ustanymyn júzege asyrý aıasynda 25 myńnan astam ákimshilik zań buzýshylyq tirkelgen bolatyn.
Sonyń ishinde usaq buzýshylyqqa jol bergen 1300 turǵyn jaýapkershilikke tartyldy, olardyń 163-i ákimshilik qamaýǵa alyndy. Sondaı-aq, 1139 adamǵa 22,5 mln teńgeden astam aıyppul salyndy. Qoǵamdyq jerlerde alkogoldik ishimdik ishkeni úshin 6 myń adam ustaldy, qoǵamdyq jerlerde temeki shekkeni úshin 5,5 myń adam, tynyshtyqty buzǵany úshin 2 myńnan astam jáne qoǵamdyq jerlerde ózgelerdiń mazasyn alǵany úshin 550 adam jaýapkershilikke tartyldy.
Aǵymdaǵy jyldyń úsh aıynda 11 jyljymaly sot otyrysy ótti, olardyń 8-i joǵary jáne orta bilim mekemelerinde ótkizildi.
