Jyl basynan beri Astanada qaıǵyly jaǵdaıda 6 bala kóz jumdy
ASTANA. QazAqparat - Jyl basynan beri Astanada qaıǵyly jaǵdaıda 6 bala kóz jumdy. Bul týraly búgin Astana qalalyq IID Ákimshilik polıtsııa basqarmasy bastyǵynyń orynbasary Ǵosman Jakın málim etti.
«Jyl basynan beri kámeletke tolmaǵandardyń qatysýymen 6 bala qaıtys bolǵan 17 oqys oqıǵa tirkeldi. Statıstıka kórsetkendeı, kámeletke tolmaǵandarmen bolatyn oqys oqıǵalardyń kóp bóligi eresekter bolmaǵan kezde nemese ata-analardyń óz balalarynyń qaýipsizdigine beıǵam qaraýynan bolady», - dedi ol.
Onyń aıtýynsha, búgingi kúni jylytý peshiniń aqaýy sebebinen gazdan ýlanýdyń 3 faktisi, birinde eki búldirshin qaıtys bolǵan órt saldarynan 2 fakti, qaraýsyz qalý nátıjesinde medıtsınalyq dári-dármektermen abaısyzda ýlanýdyń 2 faktisi, kishkentaı balalardyń bıiktikten qulaýynyń 2 faktisi tirkeldi. Mysaly, sáýir aıynyń sońynda kóp qabatty úıdiń 5 qabatynyń terezesinen 4 jasar búldirshin abaısyzda qulap, ár túrli jaraqattarmen aýrýhanaǵa jetkizildi.
«Jańa týǵan nárestelerdiń óliminiń eki faktisi balany besiginde qaraýsyz qaldyrýdan bolsa, ekinshi oqıǵada anasynyń uıqy kezinde óz salmaǵymen sábıin janshýy tirkeldi», - deıdi Ǵ.Jakın.
