Jyl basynan beri Astanada eki myńnan astam adam jumyspen qamtyldy

ASTANA. QazAqparat - Jyl basynan beri Astana qalasynyń Jumyspen qamtý ortalyǵyna 4627 adam júgingen, 3283 adam nemese 70,9% áleýmettik qorǵaý sharalarymen qamtyldy, 2062 adam jumysqa ornalastyryldy, dep habarlady qala basshysynyń baspasóz qyzmeti.

Jumyspen qamtý ortalyǵynyń habarlaýynsha, bilim, saýda, densaýlyq saqtaý, qoǵamdyq tamaqtaný, qurylys jáne qyzmet kórsetý salalarynda suranys bar.

Áleýmettik salada 62 adam jumysqa ornalastyryldy, 220 qala turǵyny jastar praktıkasyna jiberildi. Qoǵamdyq jumystarǵa 919 adam tartylsa, 302 adam kásiptik jáne qaıta daıarlaýdan ótip, biliktiligin arttyrmaq.

Tigin jabdyǵynyń operatory, mektepke deıingi bilim tárbıeshisi qyzmetterine kadrlar jetispeýshiligi baıqalady, sonymen qatar, polıtsııa qyzmetkerleri men medıtsınalyq personalǵa suranys joǵary.

Jumysqa ornalasý máselesimen Beıbitshilik kóshesi, 25 meken jaıy boıynsha ornalasqan Jumyspen qamtý ortalyǵyna júginýge bolady.