Jyl basynan beri Astanada bala týý kórsetkishi 4%-ǵa artty
ASTANA. QazAqparat - Jyl saıyn Astana qalasynda bala týý kórsetkishi ulǵaıyp keledi. Qalada úsh perınataldyq ortalyq jumys isteıdi, onda aıyna 2400 sábı dúnıege keledi. Aǵymdaǵy jyldyń basynan beri qala halqynyń jalpy týýy 4%-ǵa ósti, týý kórsetkishi 1000 adamǵa 29,78 -di qurady. Bul týraly elorda ákiminiń resmı saıtynan habarlady.
Orta eseppen alǵanda táýligine 67-69 sábı dúnıege keledi, jańa týylǵan sábılerdiń 85%-y aýrýdy erte anyqtaý neonataldy skrınınginen ótedi.
Ana men sábı ólimin azaıtý boıynsha jaǵymdy dınamıka baıqalady. Demografııalyq jaǵdaıdy jaqsartý, ana men bala ólimin azaıtý úshin Astana qalasy Pedıatrııa qyzmetiniń tujyrymdamasy ázirlendi, ol - neontologııa men pedıatrııadaǵy jańa baǵyttardy damytýǵa, mamandarǵa tálimgerlik pen sheberlik synyptary úzdiksiz bilim berý, statsıonarlar men emhanalar arasyndaǵy ózara is-qımyldy jaqsartýǵa baǵyttalǵan jumys.
Pılottyq joba aıasynda 2002 jyldan beri № 1 perınataldyq ortalyq negizinde Náresteler hırýrgııasy ortalyǵy ashyldy, onda týa bitken júrek aqaýy bar balalarǵa kómek kórsetiledi. Dárigerlerdiń jumysy kishkentaı naýqastardy tasymaldaýǵa baılanysty týyndaýy múmkin asqyný jaǵdaılaryn meılinshe azaıtýǵa kelip tireledi, ol kóbinese ári qaraı emdeý nátıjesi men onyń ábden jazylyp ketýinde mańyzdy ról atqarady. Bólim hırýrgteri dene salmaǵy meılinshe az 999 gramǵa deıingi sábılerge biregeı operatsııalar jasaıdy.
Bólimdegi operatsııa jasalǵan naýqastardyń salmaǵy eń tómeni - 440 gramm. Qazir Astanada Ortalyq negizinde týa bitken óńesh aqaýyna, týa bitken asqazan-ishek joly aqaýyna, sondaı-aq týa bitken jaq bóligindegi aqaýlarǵa operatsııalar jasaıdy. Sóıtip atalǵan Ortalyq jumys istep jatqan 3 jyl ishinde 440-tan asa sábıdi qutqardy.
