Jyl basynan beri Astanada 8 myńnan astam páter salyndy - ákimdik
ASTANA. QazAqparat - Astana qalasy statıstıka departamentiniń habarlaýynsha, barlyq qarjylandyrý kózderi esebinen 8 564 páter paıdalanýǵa berildi, paıdalanýǵa berilgen turǵyn úılerdiń jalpy aýdany 964 254 sharshy metrdi qurady, bul 2015 jylǵy qańtar-mamyr deńgeıinen 25,8%-ǵa artyq, dep habarlady elorda ákimdiginiń baspasóz qyzmeti.
Jeke qurylys salýshylar jalpy aýdany 86 505 sharshy metr turǵyn úı salǵan. Jalpy, tapsyrylǵan turǵyn úılerdegi jeke turǵyn úı qurylysynyń úlesi 9%, 2015 jylǵy qańtar-mamyrda bul kórsetkish 3,2% bolǵan.
Sonymen qatar, 2016 jylǵy qańtar-mamyrda turǵyn úı qurylysyna baǵyttalǵan ınvestıtsııalar kólemi 53254,8 mln. teńgeni qurady, bul ótken jyldyń sáıkes merzimine qaraǵanda 12,3% artyq. Negizgi kapıtalǵa salynǵan ınvestıtsııalardyń jalpy kóleminde turǵyn úı qurylysynda ıgerilgen qarajattar úlesi 25,1%-dy qurady.
