Jyl basynan beri Astanada 500-den astam órt tirkeldi
ASTANA. 7 qarasha. QazAqparat - Ústimizdegi jyldyń 10 aıynda Astanada 568 órt oqıǵasy oryn alyp, 15 adam qaza boldy. Bul týraly Tótenshe jaǵdaılar departamentinde ótken «Jylytý maýsymyna daıyndyq jónindegi» brıfıngte belgili boldy, dep habarlady elordanyń resmı saıty.
Vedomstvonyń málimetine qaraǵanda, qańtar-qazan aılarynda elordada 568 órt bolǵan, sonyń ishinde 257-si nemese 54,7 paıyzy turǵyn úı sektorynda tirkelgen. Tilsiz jaýdyń saldarynan 15 adam, sonyń ishinde 7 bala kóz jumdy, 29 adam zardap shekti. Keltirilgen materıaldyq zalal 65 mln. 119 myń teńgeni qurady. Turǵyn úı sektorlaryndaǵy órtterge negizinen jylytý peshteri men tútindikterdi ornatý jáne paıdalaný kezindegi qaýipsizdikti saqtamaý sebep bolady. «Sýyq túskende órtke qarsy qaýipsizdik erejelerin saqtamaǵandyqtan órtterdiń sany kúrt artady»,- deıdi vedomstvo qyzmetkerleri.
