Jyl basynan beri Astanada 2 myńnan astam adam júrgizýshi kýálikterinen aıyryldy
ASTANA. Tamyzdyń 2-si. QazAqparat /Jasulan Amanbaıuly/ - Jyl basynan beri Astanada jol erejelerin buzýdyń 130 myń oqıǵasy tirkeldi,
dep habarlaıdy QazAqparat Astana qalalyq Jol polıtsııasy basqarmasynyń baspasóz qyzmetine silteme jasap.
2010 jyldyń alǵashqy jarty jylynda Jol polıtsııasy qyzmetkerleri 130 476 jol erejelerin buzý oqıǵalaryn tirkedi.
Qalalyq ákimshilik sottyń sheshimimen 2198 adam kólikti júrgizýge quqyq beretin júrgizýshi kýálikterinen aıyryldy. Al rólge mas kúıinde otyrǵan 490 júrgizýshige ýaqytsha qamaýǵa alý týraly ákimshilik sharasy qoldanylǵan.
Baspasóz qyzmetiniń atap ótkenindeı, jol erejelerin buzǵan júrgizýshiler men jaıaý júrginshilerge qatysty qoldanylǵan qatań sharalardyń arqasynda, jol-kólik oqıǵalaryn jáne ondaǵy zardap shegýshilerdiń sanyn azaıtýǵa múmkin bolǵan. 2006 jyly 651 jol-kólik oqıǵasy tirkelip, onda 127 adam kóz jumǵan bolsa, 2009 jyly bul kórsetkish eki esege azaıǵandyǵyn kórsetti. Byltyr 372 jol-kólik oqıǵasy oryn alyp, qaza bolǵandardyń sany 60 adam bolǵany belgili. Bul qaladaǵy kólik sany 62 paıyzǵa, halyq sany 18 paıyzǵa óskendigin eskersek, aıtarlyqtaı oń kórsetkish.
