Jyl basynan beri Astanada 2 000-nan astam jańa jumys orny ashyldy
Elimizdiń qarqyndy damyp kele jatqan aımaǵy retinde Astanada da bul máselege aıyryqsha mán beriledi. Sondyqtan ol únemi qala ákiminiń jeke baqylaýyna alynǵan, dep habarlaıdy astana.kz.
Búgingi kúni Astanada jumyssyz azamattardyń sany 23 myńnan astam nemese qalanyń jalpy eńbekke qabiletti halqynyń 5,7%-yn quraıdy. Kóshi-qonnyń joǵarylyǵyna qaramastan, bul respýblıkadaǵy eń tómengi kórsetkishterdiń biri bolyp tabylady. Qala ákimdiginiń belsendi qoldanyp kele jatqan is-sharalarynyń arqasynda bul kórsetkish 4 jyldan beri turaqty saqtalyp keledi. Bul týraly qala ákiminiń orynbasary Aıda Balaeva qalalyq máslıhattyń on tórtinshi sessııasynda sóılegen sózinde málim etti.
Onyń aıtýynsha, 2009 jyldan kúni búginge deıin Astanada 60 myńnan astam jumys orny ashylsa, bul jyl saıyn 15 myń adam jumyspen qamtylady degen sóz. Máselen, ótken jyly ekonomıkanyń túrli salasynda qalada 18 myńnan astam jańa jumys orny ashyldy. Olardyń kópshiligi - 10 982 oryn - shaǵyn jáne orta bıznes salasynda. Salystyrý úshin myna faktilerdi keltirýge bolady. Jyl saıyn turaqty turý úshin elordaǵa 40 myńǵa tarta adam kóship keledi. Olardyń tórtten biri, ıaǵnı, 10 myńǵa tarta azamat eńbekke qabiletti bolyp tabylady. Sondyqtan árbir kelgen adamnyń turaqty túrde ósip otyrǵan eńbek naryǵynan ózine jumys tabý múmkindikteri de arta túsedi.
Astanada 2013 jyldyń basynan beri 2 314 jańa jumys orny ashyldy. bul jumys oryndarynyń 60%-y shaǵyn jáne orta bızneske tıesili. Aıda Balaevanyń aıtýynsha, jańa jumys oryndary negizinen astanany damytý jónindegi ártúrli jobalardy iske asyrý esebinen qurylyp otyr.
Alaıda, jumyssyzdardy jumysqa ornalastyrý kezinde birqatar qıyndyqtar týyndaıdy. Resmı derekterge súıensek, 2012 jyly Jumyspen qamtý basqarmasyna 12 639 adam habarlasqan.
Jalpy, esepke alý-tirkeý jumystarynda qıyndyqtardyń týyndaýyna baılanysty, tirkelmegen jumyssyzdardyń naqty sanyn anyqtaý múmkin bolmaı otyr. Qalada shamamen 11 myńǵa tarta jumyssyz bar. Alaıda, astanadaǵy halyq sanynyń qarqyndy artýyn esepke alsaq, jumyssyzdardyń sany áldeqaıda kóp bolýy múmkin.
Qalyptasqan jaǵdaıdyń birneshe sebepteri bar. Solardyń biri - adamdardyń ózin-ózi jumyspen qamtýy. Munyń sýbektıvti sebepteri azamattardyń biliktiliginiń sáıkespeýi nemese kásibine eńbek naryǵynda suranysynyń joqtyǵy bolyp tabylady. Tipti keıbireýlerdiń memlekettik jumyspen qamtý baǵdarlamasy týraly habarsyzdyǵyn da joqqa shyǵarýǵa bolmaıdy.