Jyl basynan beri Astanada 10 myńnan astam jańa jumys orny ashyldy

ASTANA. QazAqparat - Astana qalasynda aǵymdaǵy jyldyń 1 tamyzyna qaraǵan jaǵdaıǵa sáıkes 10 530 jańa jumys oryndary ashyldy, dep habarlaıdy astana.kz.

Sonyń ishinde ónerkásip salasynda - 827, saýda - 2 418, kólik jáne baılanys salasynda - 679, bilim jáne densaýlyq saqtaý salasynda - 1 741, qurylys jáne kommýnaldyq sharýashylyǵy salasynda - 1 678 oryn ashylsa, 3 187 jumys oryny basqa da qyzmet salalarynda qurylǵan. Sonymen qatar aǵymdaǵy jyldyń 7 aıynyń qorytyndysy boıynsha Astana qalasy ákimdiginiń Jumyspen qamtý ortalyǵymen 3 252 adam jumysqa ornalastyryldy. Jastar tájirıbesinen ótýge 325 túlek jáne jańa mamandyq meńgerý maqsatynda 400 adam qaıta daıarlaýǵa baǵyttaldy. Sondaı-aq 104 adam áleýmettik jumys oryndaryna ornalastyryldy.