Jyl basynan beri Astana joldarynda 30-dan astam adam mert boldy
ASTANA. QazAqparat - Jyl basynan beri elordada 462 jol-kólik oqıǵasy tirkelgen, saldarynan 31 adam qaza taýyp, 499 adam túrli dárejede jaraqat aldy, dep habarlady Astana qalasynyń ІІD ákimshilik polıtsııa basqarmasynan.
Osy ýaqyt aralyǵynda jol qozǵalysyn baqylaǵan Astana qalasynyń ІІD jol-patrýldik polıtsııasy basqarmasynyń qyzmetkerleri 157,5 myń jol júrý erejesin buzý oqıǵasy bolǵanyn tirkedi. Onyń ishinde júrgizýshiler 143 myń, jaıaý júrginshiler 14,5 myń ret jolda júrý erejesin buzǵan.
Jolda júrý erejesin óreskel buzǵany úshin 2 myńǵa jýyq júrgizýshi kólik basqarý quqyǵynan aıyrylǵan, 256 júrgizýshi ákimshilik qamaýǵa alyndy.
Osyǵan deıin habarlanǵandaı, 25-27 qyrkúıek aralyǵynda Іshki ister mınıstrliginiń bastamasymen respýblıka aýmaǵynda «Qaýipsiz jol» jedel aldyn alý sharasy júrgizilýde
