Jyl basynan beri Antalııada 12 qazaqstandyq qaza tapty - A. Ábıbýllaev
ASTANA. QazAqparat - Jyl basynan beri Antalııada Qazaqstannyń 12 azamaty qaza tapty. Bul týraly Astanada ótken brıfıngte QR SІM resmı ókili Altaı Ábıbýllaev habarlady.
Onyń aıtýynsha, biraz ýaqyt buryn Qazaqstannyń jeti adamy zardap shekken jol apaty oryn alǵan tas jol qaýipti joldardyń biri sanalady.
«Biraz ýaqyt buryn osy kúre jolda («Pamýkkale-Antalııa» - Agenttik) jol-kólik oqıǵasynan bizdiń azamat Konstantın Ivanov qaza tapty, bul tas jol týrıster úshin qaýipti sanalady. Jyl basynan bastap Antalııada Qazaqstannyń 12 azamaty: úsheýi jol apatynan, 9-y densaýlyǵy nasharlaý saldarynan qaza tapty. Bizdiń konsýldyq qyzmetkerleri barlyq qajetti kómekti kórsetý úshin únemi belsendi rejimde jumys isteıdi», - dedi ol.
