Jyl basynan beri Almatyda jol boıyn lastaýǵa baılanysty 5 mıllıon 717 myń teńgeniń 8092 ákimshilik hattamasy toltyrylǵan
ALMATY. Tamyzdyń 31-i. QazAqparat /Ádilet Musahaev/ - Jyl basynan beri Almatyda jol boıyna qoqys tógýmen baılanysty 5 mıllıon 717 myń teńge kólemindegi 8092 ákimshilik hattamasy toltyrylǵan,
dep habarlaıdy QazAqparat Almaty qalasy ІІB-nyń baspasóz qyzmetine silteme jasap.
Almaty qalasy basshylyǵynyń tapsyrmasy boıynsha, jaıma bazardy joıý, aıaldamalar men trotýar boıyndaǵy kólik turaqtary, balabaqsha jáne sport alańdary, sonymen qatar úı alańdarynyń sanıtarlyq tazalyǵyn saqtaýyn qamtamasyz etý úshin qalanyń ІІB-sy aldyn alý sharasyn ótkizýde. "Sharanyń maqsaty - qoqysty jol jıegine tastaý, ekologııalyq normalardyń buzylýy, ıaǵnı aýany buzatyn zattardyń kóp mólsherde jol jıeginde jatpaýyn qamtamasyz etý. Sondaı-aq Jol polıtsııasy basqarmasynyń quramy syrtqy tazalyǵy joq kólikterge qarsy jumystardy júrgizýde", deıdi Almaty qalasy ІІB JPB-nyń bastyǵy polkovnık Arman Sarbasov.
Jolpolıtsııasy ýchaskelik ınspektorlarmen birlesip turǵyn úı aýlalarynda tastalǵan jaramsyz avtokólikterdi anyqtap, qoqystardy tastaýshylarǵa qarsy reıd júrgizýde.
