Jyl basynan beri Aqtóbede 5 adam jol apatynan kóz jumdy
AQTÓBE. QazAqparat - Jyl basynan beri Aqtóbede 38 jol-kólik oqıǵasy bolyp, 5 adam kóz jumdy, dep habarlaıdy QazAqparat tilshisi.
Qańtar aıynda Aqtóbe oblysynda jol-kólik oqıǵasynyń sany 11% azaıǵan.
Alaıda 38 jol-kólik oqıǵasy kezinde 5 adam kóz jumdy.
Sonymen birge 55 adam jaraqat aldy.
Jaıaý júrginshilerdiń qatysýymen 10 jol-kólik oqıǵasy tirkelip, onda 4 adam mert boldy.
Jol apattarynyń negizgi sebebi - jyldamdyq rejımin buzý, qarsy jolaqqa shyǵý, jaıaý júrginshilerdiń kez kelgen jerden joldy kesip ótýi.
«Patrýldik polıtsııa qyzmeti kún saıyn jol-kólik oqıǵasynyń aldyn alýǵa baǵyttalǵan is-sharalardy júrgizedi. Mektepte sabaqtyń bastalýy men aıaqtalýy kezinde baqylaýdy kúsheıtedi», - dedi oblystyq PD baspasóz qyzmetiniń jetekshisi Erbolat Sarqulov.
