Jyl basynan beri Aqmola oblysynyń joldarynda 253 mas júrgizýshi ustaldy
Baspasóz qyzmetiniń habarlaýynsha, mas júrgizýshilerdiń birin 18 aqpan kúni ustady.
Saǵat 03:10 shamasynda Kókshetaý qalasynyń ortalyq kóshesinde patrýldik polıtsııa qyzmetkerleri «Aýdı 100» avtokóligin toqtatty, onyń júrgizýshisi mas kúıinde rýlge otyrǵany anyqtaldy.
«Belgili bolǵandaı, 25 jastaǵy júrgizýshiniń dosymen birge Taraz qalasynan Aqmola oblysyna qyzmettik issaparmen kelgen. Kólikti toqtatqan kezde, júrgizýshimen birge salonda dosy da bolǵan. Olar Kókshetaýdaǵy oıyn-saýyq oryndarynyń birinde bolǵan, alkogol ishimdik iship, keıin rýlge otyrǵan», - dedi vedomstvodan.
Qazirge kezde, kólik júrgizýshisine qatysty Ákimshilik quqyqbuzýshylyq týraly kodekstiń 68-baby 1-bóligi boıynsha ákimshilik hattama toltyryldy. Atalmysh sanktsııaǵa baılanysty er adam 15 táýlik merzimge ákimshilik qamaýǵa alynyp, 7 jylǵa júrgizýshi kýáliginen aıyrylady.
Aıta ketsek, Aqmola oblysynda jol apatynan Qyrǵyzstan azamaty kóz jumdy.
