Jyl basynan beri Aqmola oblystyq garnızonyndaǵy qylmys deńgeıi 27 paıyzǵa kemidi - vedomstvoaralyq májilis
ASTANA. Tamyzdyń 6-sy. QazAqparat /Aıdar Ospanalıev/ - Jyl basynan beri Aqmola oblystyq garnızonynyń áskerı prokýratýrasy qylmystyq izdestirý organdary men áskerı basshylyq atqarǵan jumystardyń nátıjesinde bıylǵy jyldyń jartysynda garnızondaǵy qylmys deńgeıi 27 paıyzǵa kemidi. Bul týraly búgin Aqmola oblystyq garnızonynyń áskerı prokýrory Ermek Jańataev málim etti.
Onyń sózine qaraǵanda, jaqynda ǵana Bas prokýratýranyń alqa májilisinde áskerı prokýratýralardyń jarty jyldaǵy qyzmetiniń qorytyndylary sóz boldy. «Jalpy alǵanda onda elimizdiń áskerı bólimderi men jaýyngerler quramdarynda qylmystyń birshama azaıǵandyǵy aıtyldy. Mundaı jetistikterden bizdiń garnızon da
qur alaqan emes. Bul áskerı prokýratýra men áskerı bólimderdiń qyzmetkerlerimen birlesken jumystardyń jemisi. Buǵan árıne bizge ylǵı da qoldaý kórsetip júretin «Nur Otan» partııasynyń da yqpaly bolmaı qalǵan joq», dep atap kórsetti E.Jańataev.
