Jyl basynan beri 98 adam sýǵa aǵyp mert boldy - Imanqulov
ASTANA. QazAqparat - QR ІІM Tótenshe jaǵdaılar komıteti respýblıka boıynsha sýǵa aǵyp mert bolǵan adamdar sanynyń ósýine baılanysty turǵyndardy barynsha abaı bolýǵa shaqyrdy, dep habarlaıdy QazAqparat.
«Biz respýblıka turǵyndaryn sýǵa shomylýy kezinde barynsha abaı bolyp, balalardy qaraýsyz qaldyrmaýǵa keńes beremiz. Kópshilik jaǵdaılarda qarpaıym qaýipsizdik erejelerdi ustanbaýdyń sońy qaıǵyly jaǵdaılarǵa jıi ushyratady», - dedi Tótenshe jaǵdaılar komıtetiniń resmı ókili Rýslan Imanqulov.
Onyń sózine qaraǵanda, ótken táýlik ishinde 3 qaıǵyly oqıǵa tirkelgen. Aıtalyq, 16 maýsym kúni Jambyl, Soltústik Qazaqstan jáne Pavlodar oblystarynda aǵyn sýdyń qurbany bolǵan. Jambyl oblysy Baızaq aýdanyndaǵy sý qoımasyna 11 jastaǵy jasóspirim sýǵa aǵyp, mert boldy. Soltústik Qazaqstan oblysy Qyzyljar aýdanyndaǵy ózende 2004 jyly týǵan qyz bala da sýdan ajal qushty. Pavlodar qalasyndaǵy Ertis ózeni jaǵasynan 1999 jyly týǵan jigittiń óli denesi shyǵarylǵan.
«Shomylý maýsymy bastalǵannan bastap Aqtóbe, Aqmola, Qaraǵandy, Batys Qazaqstan, Shyǵys Qazaqstan, Qyzylorda, Almaty, Pavlodar, Jambyl, Mańǵystaý, Soltústik Qazaqstan oblystarynda jáne Astana qalasynda qaıǵyly oqıǵalar tirkeldi. Jyl bastalǵannan beri sýǵa 98 adam aǵyp ketse, onyń 52-si balalar. Bul rette 61 adam qutqaryldy, onyń 9-y balalar», - dep atap ótti R. Imanqulov.
