Jyl basynan beri 90 myń lıtr janarmaı Reseı men Qyrǵyzstanǵa kete jazdady

Qazaqstanda jyl basynan munaı ónimderin zańsyz alyp ketýdiń 799 faktisiniń joly kesildi, dep habarlaıdy QazAqparat Memkirister komıtetine silteme jasap.

Qazirgi ýaqytta munaı ónimderiniń jekelegen túrlerin Qazaqstan aýmaǵynan tys jerlerge alyp ketýge tyıym salynǵan.

Máselen jyldyń basynan beri Eýrazııa ekonomıkalyq odaǵynyń kedendik shekarasyndaǵy avtomobıl ótkizý pýnktterinde jalpy kólemi 54 700 lıtr munaı ónimderin zańsyz áketýdiń 187 faktisi anyqtaldy, memleket bıýdjetine jalpy somasy 7,3 mln teńge aıyppul óndirildi.

Reseı Federatsııasymen jáne Qyrǵyz Respýblıkasymen memlekettik shekarada ornalasqan avtomobıl ótkizý pýnkterinde jalpy kólemi 89 942 lıtr munaı ónimderin zańsyz áketýdiń 612 faktisi anyqtaldy.

Sonymen qatar, «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» zańdy eskere otyryp, munaı berýshiler men munaı ónimderin óndirýshiler eksport quqyǵyna ıe, sondaı-aq eksport kólemi Energetıka mınıstrligi bekitetin jetkizý josparyna sáıkes kelýi tıis (benzındi, avıatsııa jáne dızel otynyn).

Qazaqstan Respýblıkasyndaǵy Keden kodeksiniń 150-babyna sáıkes deklarant:

- taýarlardy kedendik deklaratsııalaýdy júrgizýge;

- keden organyna kedendik deklaratsııada málimdelgen málimetterdi rastaıtyn qujattardy usynýǵa;

- deklaratsııalanatyn taýarlardy kórsetýge;

- kedendik tólemderdi tóleýge;

- kedendik rásimge sáıkes taýarlardy paıdalaný sharttaryn saqtaýǵa;

- ózge de talaptardy oryndaýǵa mindetti.

Deklarant Qazaqstan Respýblıkasynyń zańdaryna sáıkes, kedendik deklaratsııada anyq emes málimetterdi málimdegeni, sondaı-aq keden ókiline jaramsyz.

Onyń ishinde qoldan jasalǵan jáne kórineý anyq emes (jalǵan) málimetterdi qamtıtyn qujattardy usynǵany úshin jaýapty bolady.