Jyl basynan beri 85 myń baspana paıdalanýǵa berildi

NUR-SULTAN. QazAqparat – 2020 jyldyń 9 aıynda elimizde 85 myń 418 baspana paıdalanýǵa berildi. Bul týraly búgin Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

Qurylys salasynda naqty kólem ındeksi 2020 jyldyń 9 aıynda 110,5 paıyzdy qurady. Ol óńirlerde qurylys-montajdaý jumystaryn qaıta jańǵyrtýǵa baılanysty qurylys kólemin arttyrý esebinen qamtamasyz etildi. 16 óńirde oń dınamıka baıqalady.

Turǵyn úı qurylysynda bıylǵy 9 aı qorytyndysynda 9 mln 619 myń sharshy metr baspana paıdalanýǵa berildi. Bul – ótken jyldyń osy kezeńimen salystyrǵanda 109 paıyz quraıdy.

«Respýblıka boıynsha barlyǵy 85 myń 418 baspana paıdalanýǵa berildi. 14 óńirde turǵyn úıdi paıdalanýǵa berý kólemi artty», - dedi Beıbit Atamqulov.