Jyl basynan beri 8 adamdy poıyz qaǵyp ketken
ASTANA. QazAqparat - Jyl basynan beri kólik polıtseıleri tyıym salynǵan temir jol boıyna shyǵyp ketkeni úshin 2400 azamatty jazalady, dep habarlaıdy QazAqparat tilshisi.
Kóliktegi polıtsııa departamentinen habarlanǵandaı, qaýipti jaılardan saqtandyrý úshin departament qyzmetkerleri temir jol nysandarynda azamattar ózderin qalaı ustaýy kerektigin túsindirýde.
«Ákimshilik basqarý polıtsııasy departamentiniń málimetine sáıkes, jyl basynan beri poıyzdardy shuǵyl toqtatý boıynsha 97 fakt tirkelgen. Olardyń ishinde 39 márte adamdar úshin, 53 jaǵdaı boıynsha mal úshin poıyzdy toqtatýǵa týra kelgen. Jyl basynan beri kólik polıtseıleri tyıym salynǵan temir jol tósemine shyǵyp ketkeni úshin 2400 azamatty jazalady», - delingen departamenttiń habarlamasynda.
Kólik polıtseıleri aldyn alý jumystaryn júrgizýge baryn salǵanymen, temir jolda jaraqat alyp qalý jaǵdaıy áli de kezdesip jatady.
«Osy jyly 8 adamdy poıyz qaǵyp ketken. Onyń bireýi bala. Mundaı qaýipti jaǵdaılarǵa tyıym salynǵan temir jol boıyna shyǵyp ketý, temir joldarda, stantsııalarda jeke qaýipsizdik erejelerin saqtamaý jaǵdaılary sebep bolyp jatady», - dep habarlaıdy Kóliktegi polıtsııa departamenti.
