Jyl basynan beri 60 mln tonna munaı men kondensat óndirildi
«Bul kórsetkish 2017 jyldyń sáıkes kezeńimen salystyrǵanda 5,3 paıyzǵa joǵary jáne 8 aıdyń josparynan 3,7 paıyz ósim kórsetti. Onyń ishinde úsh iri joba boıynsha munaı óndirý kólemi 35,8 mln tonnany qurady. Qashaǵanda - 8,4 mln tonna, bul ótken jylmen salystyrǵanda 166 paıyz, Teńizde - 19 mln tonna, ótken jylmen salystyrǵanda 101 paıyz, Qarashyǵanaqta - 8,4 mln tonna munaı óndirildi», - dedi ol.
Mınıstrdiń aıtýynsha, Teńiz, Qarashyǵanaq jáne Qashaǵandaǵy tamyz-qyrkúıekte josparlanǵan reglamenttik jóndeý jumystaryna baılanysty munaı óndirýdiń ósý qarqyny osy aılarda birshama tómendegen.
«Alaıda, kelesi tórtinshi toqsanda ósý qarqyny qalpyna keledi dep kútilýde. Munaı eksportynyń kólemi 48,4 mln tonnaǵa jetti. Bul byltyrǵy sáıkes kezeńmen salystyrǵanda 5,7 paıyzǵa artyq. Munaı óńdeý kólemi 10,4 mln tonnany qurady. Bul ótken jylmen salystyrǵanda 4 paıyzǵa kóp, josparlanǵan 0,1 paıyz ósim bar. Úsh munaı óńdeý zaýytynda 7,3 mln tonna munaı óńdeldi. Byltyrmen salystyrǵanda 2,8 paıyz, 8 aıdyń josparynan 3 paıyz artyp otyr. Іshki munaı ónimderiniń naryǵy turaqty. Janar-jaǵarmaı tapshylyǵy oryn alǵan joq», - dedi Qanat Bozymbaev.
