Jyl basynan beri 45 jambyldyq otbasy soltústik óńirge qonys aýdarǵan
TARAZ. QazAqparat - Bıyl Jambyl oblysynan elimizdiń soltústigi men shyǵys aımaqtaryna 150-den astam otbasy qonys aýdarady dep kútilýde, dep habarlaıdy QazAqparat tilshisi.
Óńirdegi turǵyndardy yntalandyrý sharalarynyń arqasynda jyl basynan beri 45 otbasy Pavlodar, Shyǵys Qazaqstan jáne Qostanaı óńirlerine kóshken. Osy maqsatta Tarazda kezekti óńiraralyq bos jumys oryndary jármeńkesi ótti. Onda jambyldyqtarǵa 1200-den asa jumys berýshi 5 myńǵa jýyq bos jumys ornyn usyndy.
«Áleýmettik paketter bar. ıAǵnı úı beriledi. Adam basyna 90 myń teńgeden 35 aılyq eseptik kórsetkish boıynsha kóterme járdemaqy beriledi. Odan bólek, páter bolmaǵan jaǵdaıda, bir jyl memleket onyń jaldap otyrǵan páteriniń aqshasyn tóleıdi. Otaǵasyn da, áıel-balasyn da jumyspen qamtıdy. Eger eshqandaı mamandyǵy joq bolsa, oqytady. Sóıtip jumysqa ornalastyrady», - deıdi oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Seıdahmet Seıitbekov.
Aıta keteıik, óńiraralyq bos oryndar jármeńkesi úsh kúnge jalǵasady. Alǵashqy kúni 100-ge tarta otbasy kóshýge nıet bildirdi. Tipti birqatary qujat rásimdeýge kirisken. Erteń mamandar aýdan, aýyldyq okrýgter men eldi mekenderdi aralap, túsindirý jumystaryn júrgizbek.
