Jyl basynan beri 431 jambyldyq qyzylsha dertin juqtyrdy
TARAZ. QazAqparat – Jambyl oblysynda aǵymdaǵy jyldyń toǵyz aıynda 431 qyzylsha aýrýy oqıǵasy tirkelgen, dep habarlaıdy QazAqparat tilshisi.
Jambyl oblysynyń taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Berik Jarqynbekovtyń aıtýynsha, óńirge qyzylsha aýrýy jaǵdaılary Ózbekstan, Qyrǵyz Respýblıkasy, AQSh-tan, sondaı-aq elimizdiń basqa aımaqtarynan ákelingen.
«Qyzylshanyń ózge aımaqtan ákelingen 45 jaǵdaıy tirkeldi. Aǵymdaǵy jyly oblysta qyzylshany tirkeý qańtar aıynan bastalyp, apta saıyn ortasha 6 jaǵdaı tirkelip otyrǵan. Alaıda bul kórsetkish sáýir aıynda aptasyna 44 oqıǵaǵa deıin jetken.Qabyldanǵan sharalardyń saldarynan josparly túrde jáne jospardan tys túrde qosymsha ımmýndaý túrinde vaktsınatsııa júrgizý epıdemıologııalyq jaǵdaıdy turaqtandyrýǵa jáne osy ınfektsııanyń deńgeıin birli-jarym jaǵdaıǵa deıin tómendetýge qol jetkizildi»,-deıdi B.Jarqynbekov.
Aıta ketsek, 1 jastaǵy 16328 bala jáne 6 jastaǵy 11799 bala, 9-10 jastaǵy jasósipirimder men 20-29 jastaǵy adamdardy oshaqtardaǵy kontakt bolǵan adamdardy jáne medıtsına qyzmetkerlerin vaktsınatsııalaýmen barlyǵy 166 myńnan astam adam qamtylǵan.
