Jyl basynan beri 320 myń sheteldik JSN alýǵa ótinish bergen

ASTANA. QazAqparat – Jyl basynan beri JSN rásimdeýge ótinish bergen 320 myń sheteldiktiń 97 myńy reseılik. «Azamattarǵa arnalǵan úkimet» kommerııalyq emes aktsıonerlik qoǵamynyń basqarma tóraǵasy Súıenish Ábdildın Ortalyq kommýnıkatsııalar qyzmetinde osyndaı derek keltirdi, dep habarlaıdy QazAqparat tilshisi.

«Jyl basynan beri halyqqa qyzmet kórsetý ortalyqtaryna 320 myńnan sheteldikten JSN alýǵa ótinish túsken. Onyń ishinde 97 myń ótinimdi Reseı azamattary túsirgen», - dedi Súıenish Ábdildın.

Onyń aıtýynsha, keshegi bir kúnniń ishine ǵana osy mándegi 13 myń ótinish qabyldanǵan.

«Keshe ǵana biz osyndaı 13 myńnan astam ótinimdi qabyldadyq. Biraq Qazaqstan azamattaryna basymdyq berilip jatyr. Ol boıynsha biryńǵaı túsinistik bar ekenin atap ótkim keledi. Barlyq HQKO-lar shtattyq rejımde jumys isteıdi. Halyqtyń nópirin kórgennen keıin biz qosymsha shetelden kelip jatqan azamattarǵa kúsheıtilgen tártipte qyzmet kórsetetin 8 HQKO-ny bóldik», - dedi aktsıonerlik qoǵam basshysy.