Jyl basynan beri 32 myńǵa jýyq adam múgedektikke onlaın ótinim berdi
2023 jyldyń 6 aıynda múgedektik tobyn belgileý úshin medıtsınalyq-áleýmettik saraptama júrgizýdiń syrttaı formatynyń pılottyq jobany iske asyrý sheńberinde Qazaqstannyń barlyq óńirinen 31,7 myńnan astam ótinim qaraldy.
Bul - kýálandyrýdan ótken múgedektigi bar adamdardyń jalpy sanynyń 24,7 paıyzy.
Qazirgi ýaqytta jobaǵa 740-tan astam medıtsınalyq uıym qosylǵan.
2022 jyly syrttaı kýálandyrý boıynsha 57,1 myń ótinim qaraldy, bul - kýálandyrýdan ótken múgedektigi bar adamdardyń jalpy sanynyń 22,7 paıyzy.
Múgedektik tobyn belgileý jónindegi qyzmetti alý úshin ótinish berýshige turǵylyqty jeri boıynsha emhanaǵa júginý jáne qajetti tekserýden ótý qajet, qalǵan protsester aqparattyq júıelerdi ıntegratsııalaý esebinen onyń qatysýynsyz ótedi.
Syrttaı kýálandyrýǵa kóshý:
- ákimshilik jáne bıýrokratııalyq kedergilerdi joıady;
- MÁS saraptamalyq sheshimderiniń ashyqtyǵyn qamtamasyz etedi;
- múgedektikti belgileý jáne múgedektigi bar adamdardy áleýmettik qorǵaý sharalaryn anyqtaý boıynsha qyzmetterdi úıden shyqpaı-aq alýǵa múmkindik beredi;
- kórsetiletin qyzmetti alýshynyń kórsetiletin qyzmetti berýshimen tikeleı baılanysyn boldyrmaıdy, sol arqyly sybaılas jemqorlyq táýekelderin azaıtady.