Jyl basynan beri 31 myńnan astam quqyqbuzýshy jaýapkershilikke tartyldy
NUR-SULTAN. QazAqparat - Kóliktegi polıtsııa departamenti men onyń jelilik bólinisteriniń qyzmetkerleri kez kelgen quqyq buzýshylyqqa tózbeýshilik qaǵıdaty boıynsha júıeli jumys júrgizýde, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.
Ákimshilik polıtsııasy basqarmasynyń málimeti boıynsha, aǵymdaǵy jyl basynan beri 31233 quqyqbuzýshy ákimshilik jaýapkershilikke tartyldy. 400-den asa adam ákimshilik qamaýǵa alynyp, 59 mln jýyq teńge kóleminde aıyppul salyndy.
Sondaı-aq, quqyq buzýshylyqqa «múldem tózbeýshilik» qaǵıdaty boıynsha belsendi jumys júrgizilip, sonyń nátıjesinde, jalpy paıdalaný oryndaryn lastaý boıynsha 411, qoǵamdyq oryndarda alkogoldik ishimdikterdi paıdalanyp, masań kúıde bolǵany úshin 3788, tyıym salynǵan oryndarda temeki shekkeni úshin 2137, belgilenbegen oryndarda saýda jasaǵany úshin 2013, táýliktiń túngi ýaqyttarynda balalardyń úlkenderdiń ilesip júrýinsiz 274, belgilenbegen jerlerde temir jol ótkelderi úshin 15113 quqyq buzýshy jáne usaq buzaqylyq jasaǵany úshin 910 adam ákimshilik jaýapkershilikke tartyldy.
Qoǵamdyq oryndarda tıisý boıynsha 1461 adam ákimshilik jaýapkershilikke tartylsa, onyń 222-si taksı júrgizýshisi.
Qabyldap-taratý oryndaryna turǵylyqty meken-jaıy joq 149 adam ornalastyrylyp, 420 adam medıtsınalyq aıyqtyrǵyshqa jiberildi.
Elimizdiń áýe jáne temir jol kóligi nysandarynan qańǵybastyq jáne qaıyrshylyq jasaǵan kámeletke tolmaǵan 100 jasóspirim beıimdeý ortalyqtaryna jetkizilip, ornalastyryldy.
Jyl basynan beri kólik polıtseıleri 14176 ret jolaýshylar poıyzdaryna ilesip júrdi.
Buǵan qosa, polıtseıler 349 birlesken aldyn alý is-sharalaryn, 442 halyqpen jıyndar, 606 jolaýshylar poıyzdarynda kezdesýler jáne oqý oryndarynda 1060 dáris ótkizdi.
