Jyl basynan beri 2700-den astam áıel daǵdarys ortalyǵyna jiberildi – ІІM

NUR-SULTAN. QazAqparat – Jyl basynan beri elimizde 2700-den astam áıel daǵdarys ortalyqtaryna jiberildi. Bul týraly QR ІІM Ákimshilik polıtsııa komıtetiniń basqarma basshysy Áset Ospanov málim etti, dep habarlaıdy QazAqparat tilshisi.

«Áıelderdi zorlyq-zombylyqtan qorǵaý maqsatynda arnaıy ınspektorlar jumysyna erekshe mán berildi. Memleket basshysy ulttyq qoǵamdyq senim keńesiniń otyrysynda atalǵan sala ınspektorlarynyń sanyn kóbeıtý kerektigin aıtty. Búginde ishki rezervter esebinen olardyń sany eki ese artty. Qazir elimizde áıelderdi zorlyq-zombylyqtan qorǵaý salasynda 248 ınspektor jumys isteıdi. Sonymen qatar atalǵan laýazym endi árbir aýdandyq polıtsııa bólimshesinde bar», - dedi Áset Ospanov Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, zorlyqqa tap bolǵan, jábirlenýshilerge zańgerlik, psıhologııalyq jáne áleýmettik kómek kórsetiledi.

«Zorlyq-zombylyq qurbandaryn áleýmettik ońaltýǵa arnalǵan 49-ǵa jýyq daǵdarys ortalyǵy jumys isteıdi. Bıyl polıtsııa qyzmetkerleri ómirlik qıyn jaǵdaıǵa tap bolǵan 2700-den astam áıeldi daǵdarys ortalyqtaryna ornalastyrdy. Olardyń 716-sy ýaqytsha baspanamen qamtyldy. Sol sekildi áıelder men balalarǵa qarsy jasalǵan qylmysty betin ashatyn arnaıy tergeýshiler jumys isteıdi. ıAǵnı barlyq polıtsııa departamentteri janynan jedel-tergeý toptary qurylǵan. Onyń quramynda 280 tergeýshi áıel bar. Osy oraıda eskeretin jaıt, jábirlenýshiler áıel tergeýshige kóbirek senim artady. Bul zorlyq-zombylyqtyń betin ashýdyń tıimdiligin arttyrady», - deıdi ol.

Eske sala ketsek, elimizde turmystyq zorlyq-zombylyq máseleleri boıynsha «111» baılanys ortalyǵy jumys isteıdi.

Sondaı-aq, 2020 jyly otbasylyq-turmystyq zorlyq-zombylyqqa qarsy is-qımyl týraly Ulttyq baıandama ázirlenetini aıtyldy.