Jyl basynan beri 2,5 myńnan astam esirtki qylmysy tirkeldi
ASTANA. Sáýirdiń 24-i. QazAqparat /Qanat Mámetqazyuly/ - Jyl basynan beri elimizde 2,5 myńnan astam esirtki qylmysy tirkeldi. Bunyń ishinde esirtki satýdyń 800 faktisi anyqtaldy. Bul týraly búgin Parlament Májilisiniń kóshpeli Úkimet saǵatynda
«Qazaqstan Respýblıkasyndaǵy qoǵamdyq tártip pen qaýipsizdikti saqtaýdyń jaı-kúıi týraly» taqyrypta baıandama jasaǵan QR Іshki ister mınıstri Serik Baımaǵanbetov osylaı málim etti, dep habarlaıdy QazAqparat.
«1 tonnaǵa jýyq esirtki onyń ishinde 27 kıládan astam geroın tárkilenip, zańsyz aınalymnan alyndy. Memleket basshysynyń tapsyrmasyna sáıkes, esirtki bıznesine jáne nashaqorlyqqa qarsy kúres sharalary jandandyrylyp otyr. Nashaqorlyqqa jáne esirtki bıznesine qarsy kúrestiń 2009-2011 jyldarǵa arnalǵan úkimettik baǵdarlamasyn iske asyrý sheńberinde ishki rezervter esebinen «Ońtústik» (Shymkent qalasy) jáne «Ortalyq» (Qaraǵandy qalasy) atty 2 arnaıy óńiraralyq esirtki bıznesine qarsy kúres baǵdarlamasy jasaldy», dedi mınıstr.
