Jyl basynan beri 15 ekologııalyq qylmys ashyldy - OQO
ShYMKENT. QazAqparat - Ońtústiktiń polıtseıleri jyl basynan beri 15 ekologııalyq qylmysty ashty. Jergilikti polıtsııa qyzmeti uıymdastyrǵan reıdter kezinde ashylǵan zań buzýshylyqtar arasynda zańsyz balyq aýlaý, aǵash kesý men tabıǵat qoryn óz betinshe paıdalaný faktileri bar, dep habarlaıdy otyrar.kz.
Naqty aıtqanda, Ordabasy aýdanynyń 31 jastaǵy turǵyny tártip saqshylarynyń qolyna traktorymen birge tústi.
Bul azamat Keles ózeniniń jaǵalaýyn ruqsatsyz qazyp, qum-tas alyp jatqan jerinen ustalǵan. Osy sekildi qylmystardyń barlyǵyna qatysty is qozǵaldy dep sendiredi polıtseıler. Zań buzǵandarǵa kesilgen aıyppul kólemi 200 myń teńgeden asady.
