Jyl basynan beri 12 qostanaılyq memqyzmetker jaýapqa tartyldy

QOSTANAI. QazAqparat – Qostanaı oblysynda Ádep jónindegi keńestiń otyrystarynda jyldyń basynan beri 32 másele qaraldy, 12 memlekettik qyzmetker tártiptik jaýapqa tartyldy, dep habarlaıdy QazAqparat tilshisi.

«32 máseleniń 20-sy memlekettik saıasatty júzege asyrý barysynda týyndaıtyn memlekettik qyzmet pen memlekettik qyzmetkerlerdiń Ádep kodeksi salasyndaǵy aldyn alý men júıeli problemalardy sheshýge jiberildi. Ádep jónindegi keńes 12 memlekettik qyzmetkerge qatysty 12 tártiptik jaýapkershilikti qarastyrdy. Osylaısha, 12 memlekettik qyzmetkerdiń ishinde ekeýi jumystan shyǵaryldy, bir qyzmetkerdiń laýazymy tómendetildi, úsh memlekettik qyzmetker qyzmetke tolyq sáıkes emestigi týraly eskertý alyp, bir adamǵa sógis jarııalandy, taǵy bir memlekettik qyzmetker eskertý aldy», - dep málim etti QR Memlekettik qyzmet isteri agenttiginiń oblystyq departamentiniń jetekshisi Ashat Iskendirov.

Tártiptik jaýapqa eki aýdan ákimi, oblystyq aýmaqtyq ınspektsııalardyń eki basshysy, aýdan ákiminiń eki orynbasary, aýyldar men kentterdiń úsh ákimi, bólimderdiń úsh jetekshisi men bir bólim jetekshisiniń orynbasary tartyldy.

Eske sala keteıik, budan buryn Qostanaı oblysynda jeti memlekettik qyzmetkerdiń qylmystyq jaýapqa tartylǵany týraly habarlanǵan edi.