Jyl basynan beri 104 keliden astam esirtki zattary tárkilendi -elordalyq ІІD
ASTANA. Maýsymnyń 15-i. QazAqparat /Rýslan Ǵabbasov/ - Astana esirtkisiz qala» baǵdarlamasy aıasynda 117 qylmys anyqtaldy.
Bul týraly búgin ótken brıfıngte Astana qalalyq Іshki ister departamenti Esirtki saýdasymen kúres basqarmasynyń bastyǵy Aıasyn Baıdildaev málim etti.
«Jyl basynan beri «Astana esirtkisiz qala» baǵdarlamasy júrgizilip jatyr. Osy baǵdarlama aıasynda Іshki ister departamenti qyzmetkerlerimen 117 qylmys anyqtaldy. Onyń ishinde 35 qylmystyq is bul esirtki zatyn zańsyz satqan azamattarǵa qozǵalǵan bolatyn. Astana qalasy boıynsha 16 esirtki satýmen aınalysatyn núkte anyqtalyp, kúdiktiler ustaldy. Olardyń barlyǵy qazir qamaýda, sondaı-aq tergeý sharalary jalǵasýda»,- dedi ol.
Jyl basynan beri zańsyz aınalymnan 104 keliden astam esirtki zattary tárkilendi. Onyń ishinde 3 keli 200 gramnan astamy aýyr esirtki zaty - geroın.
«Maýsymnyń 26-sy halyqaralyq esirtkige qarsy kún retinde atalyp ótiledi. Osyǵan baılanysty jyl saıyn qalalyq Іshki ister departamenti, ІІM, ákimdik birigip tıisti sharalardy júzege asyrady»,-deıdi Aıasyn Baıdildaev.
Sonymen birge ol maýsymnyń 14-i men 19-y aralyǵynda elorda boıynsha «Dopıng» jedel aldyn alý is-sharalary ótip jatqanyn jetkizdi. Qazirgi kezde ІІD qyzmetkerleri osynyń aıasynda tıisti jumystarymen aınalysýda.
