Jyl basynan beri 10 keliden astam esirki zattary tárkilendi - Astananyń Kedendik baqylaý departamenti
ASTANA. Tamyzdyń 18-i. QazAqparat - Astana qalasy boıynsha Kedendik baqylaý departamentiniń kontrabandamen kúres jónindegi basqarmasy bıylǵy birinshi jartyjyldyqta 10 keliden astam esirki zattaryn tárkiledi.
Bul týraly búgin baspasóz máslıhatynda Astana qalasy boıynsha atalǵan departament bastyǵynyń orynbasary Erlan Kerimov aıtty.
«Quqyq qorǵaý organdarymen birlese otyryp esirtki zattarynyń zańsyz aınalymyna baılanysty 3 fakti anyqtaldy. Tárkilengen esirtki zattarynyń jalpy kólemi 10 keli 358 gramdy qurap otyr»,-dedi ol.
Atap aıtqanda, esepti kezeńde kontrabandaǵa qarsy kúres basqarmasy 15 qylmystyq jáne 384 ákimshilik is qozǵady. Qylmystyq is qozǵalǵan kontrabanda faktileri boıynsha taýarlardyń quny 104 mıllıon teńgege jetken. Tárkilengen taýar men valıýta 53,2 mıllıon teńgeni quraıdy, sondaı-aq memleket kirisine 20,1 mıllıon teńgeniń taýary tárkilengen.
