Jyl basynan bastap SQO syrtqy saýda aınalymy 195,9 mln dollardy qurady
PETROPAVL. QazAqparat - Jyl basynan bastap SQO syrtqy saýda aınalymy 195,9 mln AQSh dollaryn qurady. Eksport boıynsha óńirdiń negizgi áriptesi Aýǵanstan (eksporttyń barlyq kóleminen 37,6%), Ózbekstan (20,0%), Tájikstan (12,0), Belgııa (7,4%), Latvııa (4,4%), Qytaı (3,9%) bolyp tabylady.
Oblystyń negizgi eksporttyq taýarlary bıdaı men un, onyń úlesi 65,4 paıyzdy quraıdy.
Jyl basynan bastap jalpy syrtqy saýda aınalymy 195,9 mln AQSh dollaryn, eksport - 72,2 mln. AQSh dollaryn, ımport - 123,7 mln AQSh dollaryn qurady, - dep atap ótti SQO ákiminiń baspasóz qyzmetinde.
Onyń ishinde 2016 jylǵy qańtar-maýsymda alys jáne taıaý sheteldermen syrtqy saýda aınalymy 96,9 mln AQSh dollary somasynda qalyptasty, bul rette eksport 58,5 mln AQSh dollaryn, ımport - 38,4 mln AQSh dollaryn qurady.
Osy jylǵy qańtar-mamyrda EEO qatysýshy memlekettermen ózara saýda-sattyq kólemi 99 mln AQSh dollaryn, onyń ishinde eksport - 13,7 mln AQSh dollaryn, ımport - 85,3 mln AQSh dollaryn qurady.
Importtyq ónimderdi kóp jetkizýshiler: Izraıl (ımporttyń barlyq kóleminen 30,7%), Qytaı (18,6%), Ýkraına (11,1%), Polsha (4,9%).
Negizinen mashına, jabdyq, kólik hımııalyq ónerkásip, mıneraldyq ónimder, daıyn taýarlar ımporttalady.
