Jyl basynan Atyraý oblysyna 1,1 trln teńge ınvestıtsııa tartyldy
«Búginde óńirimizge 1,1 trln teńge ınvestıtsııa tartyldy. Bul - ótken jyldyń osyndaı kezeńimen salystyrǵanda 6,7 paıyzǵa joǵary. Onyń ishinde syrtqy ınvestıtsııa - 474 mlrd teńge, ishki ınvestıtsııa - 665 mlrd teńge. Elimizge tartylǵan jalpy ınvestıtsııanyń 22,5 paıyzy Atyraý aımaǵyna tıesili», - dedi S. Shápkenov Ortalyq kommýnkatsııalar qyzmetindegi baspasóz máslıhatynda.
Onyń dereginshe, 2021-2025 jyldarǵa arnalǵan kásipkerlikti damytý jónindegi Ulttyq joba boıynsha bıyl bıýdjetten 9,4 mlrd teńge qarajat bólinip, búgingi kúni nesıe somasy 20,9 mlrd teńge bolatyn 208 joba qoldaý tapty.
«2023 jyly Biryńǵaı ındýstrııalandyrý kartasy aıasynda jalpy somasy 14,9 mlrd teńge bolatyn 3 jobany iske qosý josparlanyp otyr. Onyń ishinde bir jobany erekshe atap ótkim keledi. Jyl sońyna deıin qus fabrıkasyn tapsyrýdy josparlap otyrmyz. Quny - 9,9 mlrd teńge. Nátıjesinde 5 myń tonna qus etin óndirý josparlandy», - dedi oblys ákimi.
