Jyl basynan Astanada 6 adam jol apatynan qaza tapty
ASTANA. QazAqparat – Jyl basynan elordada jol-kólik apatynan 6 adam kóz jumǵan, dep habarlaıdy QazAqparat tilshisi.
«Astana qalasy Polıtsııa departamenti elorda aýmaǵyndar oryn alǵan jol-kólik oqıǵalaryna taldaý júrgizdi. 2023 jyldyń basynan 110 jol-kólik oqıǵasy tirkeldi. Bul ótken jyldyń sáıkes kezeńimen salystyrǵanda 2,6 paıyzǵa tómen. Bolǵan apattardan 6 adam qaza boldy, 123 adam ártúrli dene jaraqatyn aldy.
Bul rette jol-kólik oqıǵalary zardaptarynyń aýyrlyǵy respýblıkalyq deńgeıden 2,5 ese tómen. 100 myń adamǵa shaqqanda qaıtys bolǵandar – 0,4%», - dedi Astana qalalyq Ákimshilik polıtsııa basqarmasynyń bólim bastyǵy Baýyrjan Toǵjumanov BAQ ókilderiniń qatysýymen ótken brıfıngide.
Eske sala keteıik, taıaýda Ákimshilik polıtsııa komıtetiniń erekshe tapsyrmalar jónindegi aǵa ınspektory Aqtoty Boranova jyl saıyn 13 myńnan astam jol-kólik oqıǵasy tirkelip, 2 myńnan astam adam qaza tabatynyn málimdegen edi.
