Jyl basynan áleýmettik mańyzy bar azyq-túlik taýarlary 8,1 paıyzǵa qymbattady
2011 jyldan beri QR UEM Statıstıka komıteti áleýmettik mańyzdy azyq-túlik taýarlarynyń baǵasyna apta saıyn monıtorıng júrgizedi. Onyń tizbesi Úkimet qaýlysymen bekitilgen. Osy rette atalǵan tizimde azyq-túliktiń 33 ataýy engizilgen. Nátıjesi boıynsha árbir beısenbide atalǵan taýarlardyń baǵasyna qatysty ekspress-aqparat shyǵarylady. Onda esepti kezeńdegi baǵanyń ózgerýine baılanysty málimetter qamtylady.
«2016 jylǵy 20 qyrkúıektegi jaǵdaı boıynsha aǵymdaǵy jyldyń basynan beri áleýmettik-mańyzdy azyq-túlik taýarlaryna baǵalar ındeksi 108,1 paıyzdy qurady»,-dep atap ótilgen habarlamada.
Usynylǵan kestege qaraǵanda, birinshi surypty bıdaı unynan jasalǵan nan ortasha eseppen alǵanda 17,9 paıyzǵa qymbattady. Zertteý júrgizilgen 18 qalanyń ishinde osy ónimge eń úlken ósim Petropavlda baıqalǵan - 45,1 paıyz. Atyraýda - 33,3 paıyzǵa, al Astanada - 32,4 paıyzǵa joǵarylady.
Jarmalardyń arasynda eń kóp qymbattaýǵa ushyraǵan qaraqumyq boldy, ıaǵnı ol 49,4 paıyz deńgeıinde ósti. Ózge azyq-túlik taýarlaryna baǵa birshama deńgeıde ǵana joǵarylady.
