Jyl basynan 755 keli esirtki tárkilendi

ASTANA. QazAqparat – Jyl basynan esirtkiniń zańsyz aınalymyna qatysty 420 qylmys anyqtaldy. Bul týraly ІІM Esirtki qylmysyna qarsy is-qımyl departamentiniń ókili Danııar Oralov aıtty, dep habarlaıdy QazAqparat tilshisi.

«Osy jyldyń basynan beri esirtkiniń zańsyz aınalymyna baılanysty 420 qylmys anyqtaldy. Onyń ishinde 265-si - ótkizý jáne 76-sy - zańsyz saqtaý faktisi. Zańsyz aınalymnan 755 keli esirtki, onyń ishinde 270 keli «marıhýana», 93 keli «gashısh» jáne 105 keli sıntetıkalyq esirtki tárkilendi. Esirtki bıznesiniń uıymdasqan túrlerine qarsy is-qımyl boıynsha jumystar júrgizilýde. 1 uıymdasqan qylmystyq toptyń qyzmeti toqtatyldy. QK 262-baby 1-tarmaǵy «UQT uıymdastyrý jáne qatysý» boıynsha qylmystyq is qozǵalyp, 8 qatysýshysy qylmystyq jaýapkershilikke tartyldy, 85 keliden astam esirtki tárkilendi», - dedi Danııar Oralov mınıstrliktiń baspasóz qyzmeti alańynda ótken brıfıngte.

Onyń atap ótýinshe, sıntetıkalyq esirtkiniń zańsyz aınalymynyń jolyn kesý boıynsha turaqty negizde is-sharalar ótkiziledi. Jyl basynan beri 7 narkolaboratorııa joıylyp, paıdalanýǵa daıyn 90 kg astam esirtki jáne 1,5 tonnadan astam prekýrsorlar tárkilendi.