Jyl basyna beri 30 myń abonent Kcell qyzmetinen bas tartqan
ALMATY. QazAqparat - Qazaqstanda bıylǵy jyldyń basynan bastap abonenttiń nómirin saqtaı baılanys operatoryn aýystyrý qolǵa alynǵaly beri 30 myń abonent Kcell qyzmetinen bas tartqan. Bul týraly búgin Almatyda jýrnalıstermen kezdesý barysynda «Ksell» AQ atqarýshy dırektory Artı Ots málim etti.
Onyń aıtýynsha, osy kezeń aralyǵynda, ıaǵnı bıylǵy jyldyń basynan beri kompanııada alty myńdaı jańa paıdalanýshy tirkelgen.
«Paıdalanýshylar arasynda júrgizilgen saýalnama nátıjesine súıensek, olardyń kópshiligi baılanys sapasyna emes, tarıf saıasatyna kóńilderi tolmaıtyndyǵyn aıtady. Buǵan, 2015 jyly bizdiń derekterdi jetkizý jelisi arqyly mobıldi ınternetti tutynýdyń eki esege deıin óskeni dálel bola alady», - dedi A. Ots.
Sonymen qatar, onyń aıtýynsha, kompanııa Astanada mobıldi ınternetti taratý boıynsha kósh basynda keledi. ıAǵnı Astanada «Ksell» kompanııasy naryqtyń 70 paıyzyn qamtıdy.
«2015 jyly jelini keńeıtý jáne sapasyn arttyrý boıynsha negizgi óndiris quraldary men jabdyqtarynyń baǵasyn qosqanda kompanııanyń kúrdeli shyǵyny 18 mlrd astam teńgeni qurady. Bul Qazaqstan halqynyń 73 paıyzyn mobıldi ınternetpen qamtamasyz etýge jol ashty. Budan basqa 5 myńnan astam eldi-mekende kompanııanyń daýysty baılanys júıesi jumys isteıdi. Bul halyqtyń 96 paıyzyn qamtıdy. Bıyl, qyzmet kórsetý sapasyn arttyrý jumystaryn odan ári jalǵastyrýdy jáne barlyq iri qalalarda 4G LTE, ıaǵnı uıaly telefondar úshin derekterdi joǵary jyldamdyqpen jetkizý standartyn damytýdy josparlap otyrmyz», - dedi A. Ots.
Aıta ketelik, 2016 jyldyń 1 qańtarynan bastap, Qazaqstanda «Aqparattandyrý týraly» jańartylǵan zań kúshine endi. Soǵan sáıkes, abonentter endi ózderiniń telefon nómirlerin saqtaı otyryp, basqa uıaly baılanys operatoryna aýysa alady.
