Jyl bastalǵaly Qarjy polıtsııasy sybaılas jemqorlyq faktileri boıynsha 118 qylmystyq is qozǵady
ASTANA. 15 naýryz. QazAqparat - Bıylǵy jyldyń 2 aıynda qarjy polıtsııasy organdary sybaılas jemqorlyqpen baılanysty 118 qylmystyq is qozǵady.
Bul týraly búgin jýrnalıstermen bolǵan brıfıngte Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
Onyń derekterine qaraǵanda, ótken jyly jemqorlyq áreketterine júıeli túrde jol bergeni úshin qarjy polıtsııasy 802 qylmystyq isti qozǵady. Al bıylǵy jyldyń 2 aıynda jemqorlyqpen júıeli túrde aınalysty degen aıyppen 118 qylmystyq is qozǵaldy.
«Júıeli jemqorlyq áreketterini eń kóp taraǵan túri - para alý. Bul rette jedel-tergeý tájirıbesiniń nátıjeleri parany qandaı da bir mekemeler men qyzmetterdiń jetekshileri ǵana emes, olardyń qol astyndaǵy azamattar da alatyndyǵyn kórsetti»,-dedi resmı ókil.
Onyń sózine qaraǵanda, Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń tapsyrmasymen qarjy polıtsııasynyń negizgi kúshi qazir sybaılas jemqorlyq áreketteriniń syzbasyn jasaýshy, ıaǵnı jemqorlyq áreketterin uıymdastyrýshylardy qylmystyq jaýapqa tartýǵa jumyldyrylyp otyr.
«Mundaı syzbalardy jasaıtyn laýazym ıeleri ádette alynatyn paranyń mólsherin belgilep otyrady. Sonymen qatar, qazir bıýdjet qarjysyn júıeli túrde jymqyrý áreketteri qaýipti jaǵdaıǵa aınalyp barady»,-dedi M.Jumanbaı.
