Jyl aıaǵyna deıin salynyp jatqan «Almaty - Taldyqorǵan» avtojolynyń bir bóligi paıdalanýǵa beriledi

ASTANA. QazAqparat - Jyl aıaǵyna deıin «Almaty - Taldyqorǵan» avtojolynyń 10 kılometri paıdalanýǵa berilip,141 km boıynsha qozǵalys ashý josparlanýda, dep jazady QR Kólik jáne kommýnıkatsııa mınıstrliginiń resmı saıty.

Qazirgi kezde qurylys jumystary jalpy uzaqtyǵy 245 km avtojoldyń 9 ýchaskesinde júrgizilýde. Qaıta salý nátıjesinde «Almaty - Taldyqorǵan» tas joly 4 jáne 6 jolaqty qozǵalysty, I tehnıkalyq kategorııaǵa kóshiriledi. Aǵymdaǵy jyly qurylys uzaqtyǵy 245 km ýchaskede 2,2 myń tekshe metr mólsherinde topyraq tóseý jumystary júrgizilip, qum jáne qıyrshyq tas qospasynan 24,3 km tóseme qabaty salyndy. 27 km shaǵyl tas jáne qum qospasynyń astyńǵy qabaty jáne 24 km joǵarǵy qabaty, 14 km tsement-beton qabaty tóselinip, 47 jasandy qurylys salyndy jáne jóndeldi.

Sonymen qatar, sý burǵysh naýalar jáne sý qabyldaǵysh kameralar men qudyqtar ornatyldy; jumysshylarǵa vahtalyq qalashyqtar salynyp, sol jerlerde jol-qurylys tehnıkasyn jóndeý men kútip ustaýǵa arnalǵan bazalar uıymdastyryldy.

Jalpy ýchaskedegi jumystarǵa 1 008 jol-qurylys tehnıkasy jumyldyrylyp, 1 787 jumys orny ashyldy.

«Almaty - Taldyqorǵan» jolynyń qurylysyn tolyqtaı aıaqtaý 2016 jylǵa belgilengen.