Jyl aıaǵyna deıin munaı qunynyń barreli 90 dollarǵa jetedi
ASTANA. Sáýirdiń 1-i. QazAqparat - Bıyldyń ózinde munaı barreliniń baǵasy 85-90 dollarǵa jetýi múmkin. Máskeýde ótken baspasóz máslıhatynda Reseı munaı-gaz ónerkásibi odaǵynyń prezıdenti Gennadıı Shmal osyndaı boljam aıtty,
dep habarlaıdy RBK agenttigi.
G.Shmaldiń ózi ádiletti baǵa 70 dollar bolýy tıis dep sanaıdy. Onyń aıtýynsha, mundaı kórsetkish óndirýshi kompanııalardyń da, tutynýshylardyń múddesine saı keledi. «Búginde baǵa barreline 75-80 dollardyń aınalasynda jáne bul qalypty jaǵdaı», - dedi ol.
Al keıbir sarapshylardyń munaı baǵasy 100 dollarlyq mejege jetýi múmkin degen boljamdary qısynsyz dep atady.
