Jyl aıaǵyna deıin elordada 6 mektep ashylady
ASTANA. Shildeniń 28-i. QazAqparat /Gúlmıra Álıakparva/ - 2010 jyly Astana qalasynda «100 mektep, 100 aýrýhana» baǵdarlamasy aıasynda salynyp jatqan 6 mekteptiń qurylysy aıaqtalady.
Bul týraly búgin QazAqparat tilshisine bergen suhbatynda qalalyq Bilim basqarmasy bastyǵynyń orynbasary Rysty Shoqaeva málim etti.
«100 mektep, 100 aýrýhana» baǵdarlamasy aıasynda ústimizdegi jyldyń qańtarynda Ońtústik-Shyǵys shaǵynaýdanynda 1200 orynǵa arnalǵan mektep iske qosyldy. Búgingi kúni barlyǵy 6800 orynǵa eseptelgen taǵy 6 mekteptiń qurylystary júrgizilip jatyr», - dep atap ótti ol.
R.Shoqaevanyń aıtýynsha, «Stepnoı» garaj kooperatıvi men Tilendıev dańǵyly boıynda salynyp jatqan olardyń ekeýi (1200 oryn) aldaǵy qyrkúıektiń 1-ine deıin tapsyrylatyn bolady. Ilınka kentinde, Tilendıev dańǵylynyń ońtústik betinde, Astana qalasynyń jańa ákimshilik ortalyǵynda (árqaısysy 1200 oryndyq) jáne Kóktal kentinde (800 oryn) boı kóterip jatqan qalǵan tórteýi esikterin 2010 jyldyń tórtinshi toqsanynda ashpaq.
