Jyl aıaǵyna deıin eksportqa 10 myń tonna joǵary sapaly iri qara mal eti jóneltiledi
Іri qara mal etiniń eksportyn arttyrý jobasy 2011 jyly Elbasynyń tapsyrmasyna sáıkes jasalǵanyn, ol 2012 jyldan beri júzege asyrylyp kele jatqanyn eske salyp ótken mınıstr, «Qazirgi ýaqytta 450 myńnan astam analyq bas bul jobamen qamtyldy. Ár oblystarda osy jumys júrgizilýde. Bul baǵyttaǵy jumystar barlyq oblystarda birdeı atqarylyp jatyr dep aıtýǵa negiz joq. Keıbir óńirlerde bul kórsetkish óte jaqsy deńgeıde. Mysaly, Batys Qazaqstan men Aqmola oblystarynda bul kórsetkish barlyq analyq mal basyna shaqqanda 35 paıyz jáne odan artyq deńgeıden kelip otyr»,-dedi. Onyń sózine qaraǵanda, keıbir oblystarda bul kórsetkish tómen. «Búginde et eksporty júzege asyrylýda. Qazirgi kezdegi 1 myń 350 tonna eksportqa jóneltildi. Jyldyń sońyna deıin 9 700 tonna eksportqa jiberiledi dep josparlap otyrmyz. Bul turǵyda tıisti oblystarmen arnaıy memorandýmdarǵa qol qoıdyq»,-dedi Mamytbekov.