Júzýshi Ádilbek Mýsın Frantsııadaǵy týrnırde ekinshi oryn aldy
ASTANA. KAZINFORM - Frantsııanyń Kanet qalasynda ótip jatqan júzýden halyqaralyq týrnırde qazaqstandyq Ádilbek Mýsın kúmis júldeger atandy.
Halyqaralyq týrnırde batterflıaı ádisimen 100 metrge qashyqtyqqa jarysýdan ol ekinshi bolyp keldi. Bas júlde frantsııalyq Maksım Grýssege buıyrsa, úzdik úshtikti sol eldiń taǵy bir ókili Klement Sekkı túıindedi. Olardyń ekeýi de Parıj Olımpıadasynda qola júldeger atanǵan.
Jarysqa álemniń 53 elinen 609 sportshy keldi.
Ádilbek Mýsın 1999 jyly dúnıege kelgen. Qazirge deıin 2018, 2022 jyldarda Azııa oıyndarynda qola júldege qol sozsa, 2021 jyly ýnıversıadada sol jetistigin qaıtalady.
Eske salsaq, ol budan buryn Ispanııadaǵy týrnırde medalǵa bir qadam jetpeı qaldy.
Ol 100 metrge batterflıaı ádisimen júzýden fınalda tórtinshi bolyp keldi.
Aıta ketsek, ol batterflıaı ádisimen 50 metr qashyqtyqta Taldyqorǵanda ótken Qazaqstan chempıonatynda 23,36 sekýnd nátıje kórsetip, elimizdiń úzdik nátıjesin jańartty.