Júzýden QR quramasy Azııa oıyndaryna daıyndyqty bastady
ASTANA. QazAqparat - Sýǵa júzýden Qazaqstan quramasy Azııa oıyndaryna daıyndyqty bastady, dep habarlaıdy QazAqparat.
QR Ulttyq olımpıada komıteti taratqan málimetterge súıensek, otandastarymyz Túrkııanyń Belek qalasynda ornalasqan «Gloria Sport Arena» sport ortalyǵynda jattyǵýdy bastap ketken. Olardyń qatarynda Rıo-de Janeıro Olımpıadasynyń chempıony Dmıtrıı Balandın de bar. Sonymen qatar oqý-jattyǵý jıynyna erlerden Ádil Qasqabaı, Ádilbek Mýsın, Aıbek Qamzenov, Aleksandr Shatskıh shaqyrtylsa, áıelderden Dıana Nazarova men Anastasııa Rezvantseva qatysyp jatyr.
Aıta keteıik, qazaqstandyq júzýshiler úshin bıylǵy maýsymdaǵy eń basty jarys - Azııa oıyndary men jastar arasyndaǵy Olımpıada oıyndary.
