Júzýden Astanada ótken dástúrli el birinshiliginde almatylyqtar komandalyq esepte ekinshi oryn aldy
ALMATY. Sáýirdiń 29-y. QazAqparat /Erlik Erjanuly/ - Keshe Astanada aıaqtalǵan sýǵa júzýden Andreı Gavrılovty eske túsirýge arnalǵan dástúrli Qazaqstan birinshiliginde almatylyqtar komandalyq esepte jarys qojaıyndaryn ǵana alǵa jiberip júldeli ekinshi oryndy ıelendi,
dep habarlaıdy QazAqparat.
Halyqaralyq dárejedegi sport sheberi Andreı Gavrılovty eske túsirýge bul baıraqty báseke sáýirdiń 26-sy kúni bastalǵan bolatyn. Bıyl besinshi ret ótken jarysqa 240-tan asa sportshy el birinshiliginiń 30 júldeler jıyntyǵyn sarapqa saldy. Oǵan Azııa oıyndarynyń jáne Shyǵys Azııa oıyndarynyń júldegeri A. Gavrılovtyń jeke bapkeri, Qazaqstannyń eńbek sińirgen jattyqtyrýshysy Aleksandr Kýdrıavtsev bastaǵan qazylar alqasy tórelik jasady. Jyl saıyn ótetin bul týrnırde byltyr 100-den astam komanda qatysqan edi. Astanalyqtar bul joly da ótken jylǵy jetistigin qatalap, komandalyq esepte úzdik top jardy. Onda mamandandyrylǵan olımpııalyq rezervtiń № 4 balalar men jasóspirimder sport mektebiniń shákirtterinen quralǵan qurama komanda 1207 upaı jınady. Elordalyqtardyń qorjynynda 12 altyn, 9 kúmis jáne 2 qola júlde bar. Jarys qojaıyndarynan 6 upaıy kem almatylyqtar (1001 upaı) ekinshi, al Jambyl oblysynyń komandasy 858 upaımen úzdik úshtikti túıindedi.
