Júzýden álem kýbogy kezeńinde baq synaıtyn Qazaqstan quramasynyń tizimi anyqtaldy
ASTANA. KAZINFORM — 15-17 qazan aralyǵynda júzýden Astanada ótetin Álem kýbogy kezeńine qatysatyn Qazaqstan quramasynyń tizimi belgili boldy.
Bul kezeń bıyl Baký, Tashkent jáne Astanany qamtyǵan Silk Road Tour serııasynyń qorytyndy básekesi bolmaq. Qazaqstan quramasy óz alańyndaǵy jarysta 22 sportshymen synǵa túsedi.
Ulttyq qurama sapynda Aleksandr Rýmynskıı, Danııl Cherepanov, Maksım Klımenko, Sofıa Spodarenko, Adelaıda Pchelıntseva, Egor Vasılenko, Gleb Kovalenıa, Danııl Chýjınov, Raıd Hıssamıev, Mansur Baltemir, Elaman Bıbýlaev, Artem Shevchenko, Aıbat Myrzamuratov, Anatolıı Rýdenko, Rıshat Jumaǵulov, Ádilbek Mýsın, Artýr Mıronov, Maksım Skazobtsov, Egor Popov, Fedor Dıdenko, Sofııa Abýbakırova jáne Ǵalymjan Balabek el namysyn qorǵaıdy.
Aıta keteıik, jarystar «Barys Arena» kesheninde uıymdastyrylady.
Aıta ketelik Qazaqstannyń eki balýany álem chempıonatynda altynǵa talasatyny týraly jazǵan edik.
