Júzýden álem chempıonaty: Ahmetqalıev múgedek-sportshylar arasynda kúmis oljalady
ASTANA. QazAqparat - Ánýar Ahmetqalıev tirek-qozǵalys apparaty jáne kóz janary buzylǵan múgedek-sportshylar arasyndaǵy júzýden ótken álem chempıonatynyń kúmis júldegeri atandy.
Chempıonat 2 - 8 jeltoqsan aralyǵynda Meksıkada ótti, - dep habarlaıdy «QazAqparat» HAA Astana qalasynyń ishki saıasat basqarmasyna silteme jasap.
«Jiger» sporttyq klýbynyń túlegi Ánýar Ahmetov 100 metrlik qashyqtyqta brass ádisi boıynsha 1:12.09 kórsetkishke qol jetkizip, álemniń kúmis júldegeri atandy. Sondaı-aq ol, 100 metr qashyqtyqqa erkin júzýde tórtinshi orynǵa taban tiredi. (0:59.85)»,-dep kórsetilgen habarlamada.
Sportshymyz elge 11 jeltoqsan kúni oralady. Onymen birge júzýden ulttyq quramanyń 12 sportshysy kele jatyr. Ulttyq qurama sportshylary Frankfýrt - Astana áýe reısimen ushyp keledi.
Budan buryn mundaı jetistikterge jetken birneshe sportshy bar: Zúlfııa Ǵabıdýllına 1-2 oryndarǵy ıe bolsa, Natalıa Zvıagıntseva altynǵa qol jetkizgen, Roman Agalakov kúmis, Andreı Afanasev qola medaldy qorjynǵa salǵan bolatyn.
